睇完呢套戲我內心第一個感覺係：「哇頂！真係好耐無睇過啲咁好睇嘅商業片！」之前睇trailer已經覺得好吸引好刺激，入場睇完真係不負所望，我比滿分！點解咁激動？因為有對比。之前所睇美國嘅一啲喪屍電影都太過英雄主義同超現實，屍殺列車係一套觀眾會覺得比較合理而貼近現實啲嘅喪屍片。硬係要挑剔嘅我應該要突燈諗諗。
呢套戲描繪人性描繪得好好，角色性格鮮明而且分配得好均暈。全場絕無冷場，節奏掌握得好好，劇情合理緊張，有好多位都好感人，我以為完嘅時候原來仲有戲肉，唔會爛尾，結局結得非常好！超級推介比大家睇，除咗shut up and take my money都唔知講乜好。
以下劇透
戲中描繪人性可以因為愛而轉善，用孔劉男主角同個女嘅關係就完全顯現到出嚟。男主角作為一個爸爸，本應係一個好自私嘅人，係患難之中佢反而被個女點醒咗，被大叔嘅正義感所感動，好明顯喺大叔救咗佢個女之後，佢開始改變，去到最後更加犧牲自己，個幕真係忍唔住，眼淺嘅你一定會淚崩。臨落車前有一幕想提一提，男主角接到同事金代理嘅電話之後佢洗手，洗完手之後開始後悔，我相信電影呢一刻想交代嘅係佢想洗甩手上污糟嘅血但其實點洗都已經洗唔甩呢點。如果無睇錯佢係洗唔甩哂佢手上嘅血跡，男主角對於佢做過嘅往事深感後悔。話雖如此，電影用男主角證明愛可以轉化人醜陋嘅地方，當人有返自覺，懂得改變嘅時候，最後都可以光明磊落地面對自己所愛嘅人，光榮地離開呢個世界。
另外作為人性最黑暗嘅榜樣，電影將呢個角色塑造得好成功，戲中好有層次地將所謂人性黑暗嘅地方立體呈現咗出嚟。最後一幕佢變成喪屍之前講出佢好想去斧山，好驚見唔到佢媽媽，表達佢冷血自私嘅黑暗面背後其實係來自於恐懼。人害怕失去所以強行控制，變得自私；害怕受傷所以固步自封，變得無情。唔好誤會電影為人性變得黑暗而附上一個美麗嘅藉口，反而係揭開呢啲人嘅面紗，說穿了佢地嘅一無所有。
最後我向大叔致敬，佢係我最中意嘅角色，超有正義感超型，最型係佢趕上車攞警棍警盾撞走啲喪屍個幕，呢條友係真男人、鐵漢子，型到地裂，佢犧牲個位又係會感動到差啲喊。我地默哀3秒紀念大叔。
如果大家鐘意我嘅影評，希望你地可以like and share la，多謝你地收睇Ernest DoCRAZY
PS:
我覺得結局結得很好是因為雖然男主角最後死了，但他在整部電影中徹底改變了，最後也因為救大叔的老婆而被感染。而到了最最最後，他的女兒哭著唱了給爸爸聽的那首歌，是想念著父親，是覺得爸爸還在希望唱給他聽的悲哀。到了最後也是把人性顯露無遺，氣氛也能做到非常緊張，正當我想著導演要怎麼完時，竟然是那首歌要唱給爸爸的歌救了她，去到最後也是爸爸守護了他們，救了他們。非常非常的感動！
要挑剔的話就是他們永遠都追到火車吧，尤其是最後孕婦都變了保特了，哈哈
_______________________________________
記得click入原link支持啊：https://youtu.be/8gOUZWHvZgc
如何在YouTube成功賺錢? 一個月達90萬views
https://youtu.be/bIHeLnr3yIo
想像我一樣由零開始28天升10000訂閱：
http://goo.gl/zNT6Ck
Ernest DoCRAZY channel:
https://www.youtube.com/c/ErnestDoCRAZYTV
Ernest DoCRAZY facebook:
https://www.facebook.com/ErnestDoCRAZY/
Ernest DoCRAZY instagram:
https://www.instagram.com/ernest_pch/
Search